Upoznaj Trst

Stvari koje treba da znate o Trstu prije nego ga posjetite

Trst, kao i svaki drugi grad, krije mnogo ljepota, pravila, kutaka i podataka koje nećete odmah znati i prepoznati. Zato vam donosimo neke zanimljivosti sa kojima treba da se upoznate prije nego posjetite ovaj veličanstveni grad. U Trstu se ne priča samo Italijanski Ne očekujte da ćete pričati (samo) na...

Trst, kao i svaki drugi grad, krije mnogo ljepota, pravila, kutaka i podataka koje nećete odmah znati i prepoznati. Zato vam donosimo neke zanimljivosti sa kojima treba da se upoznate prije nego posjetite ovaj veličanstveni grad.

U Trstu se ne priča samo Italijanski

Ne očekujte da ćete pričati (samo) na italijanskom. Kroz Trst, koji se nalazi na italijanskoj granici sa Slovenijom, je tokom istorije prošlo mnogo naroda i okupatora, pa je tako kulturno nasljeđe bogato i šaroliko, a podjednako se pričaju i slovenski i italijanski.
U Trstu takođe znacajnu ulogu ima  Srpska zajednica koja je ujedno i najmnogobrojnija manjina. U samom centru blizu canale grande nalazi se Srpska pravoslavna crkva – Crkva Svetog Spiridona.

Izgradnja hrama počinje 1861.godine po projektu Karla Manćinija, a završen je 1885.godine i prima 1600 vjernika.
Crkva je zidana lomljenim kamenom, a fasade obložene klesanim blokovima od kamena dovoženog sa Briona i iz Verone.
Na glavnoj  fasadi nalazi se mozaik Sv.Spiridona, na sjevernoj strani, okrenutoj prema kanalu mozaik Sv. Arhangela Mihaila. Unutrašnjost hrama je veličanstvena, na kupoli je prikazan Hristos Pantkrator na zvjezdanm nebu, a posebno se ističe veliko srebrno kandilo, poklon od ruskog cara Pavla I Romanova i zlatom okvano Jevanđelje, poklon ruske kneginje Julije Samojlove.

U lađi hrama nalazi se osam velikih svećnjaka: četiri su dar Jovana Kurtovića iz 1763. a četiri sa simbolima anđela, jevanđeliste i Sv. Spiridona dar su Rista Škuljevića 1899. godine.

 

Trst prestonica kafe

U Italiji morate poznavati jezik kafe. Kultura ispijanja ovog toplog napitka nadaleko je čuvena u čitavoj Italiji, pa tako i u Trstu iz kojeg potiče, između ostalog, i čuveni brend Illy. Ovdje se kafa uglavnom pije brzinski, osim za određenu manju grupaciju populacije, a prije ulaska u bilo koji bar i kafeteriju morate znati razliku u kafama. Espresso je nero, macchiato je capo, a cappuccino caffelatte. Osim toga, kažu da je mnogo bolje piti kafu u staklenoj šoljici od one keramičke na koju smo svi navikli. Navodno kafa ima bolji ukus, pa ako želite da vam se tako služi, dodajte “in B”, odnosno tražite “nero in B” za espresso u staklenoj šoljici.

Kompanija Illy

Priča o Illy-ju počinje u Trstu, mediteranskoj luci u kojoj je kafa  prvi put ušla u Europu. Kompaniju je 1933.godine osnovao Francesco Illy. Rođen je u Temišvaru u Austrougarskoj, a u Trst je došao u I Svjetskom ratu, kao časnik austrougarske vojske. Nakon rata  započeo je posao sa uvozom kakaoa i kafe. U  početku  Illy je bio zainteresovan za espresso kafu, da bi 1935. godine izumio  preteču današnjeg aparata za espresso kafu. Francesco je, također, osmislio novi sistem pakovanja za čuvanje kafe, u kantama koje su bile punjene inertnim gasovima, umjesto pod pritiskom vazduha. Ubrzo je Illy kafa postala poznata i  van Trsta i prodavala se širom Italije.

Nakon II Svjetskog rata, upravljanje kompanijom prešlo je u ruke Ernesta Illy-ja. On je oformio istraživačku laboratoriju, čiji su produkt brojni patenti i pronalasci. Uspostavio je saradnju sa univerzitetima i istraživačkim centrima u Europi i šire, sve u cilju promovisanja kafe  vrhunskog kvaliteta u svijetu.

Danas je Illy  internacionalni brend koji svoje proizvde prodaje u preko 130 zemalja svijeta i zapošljava oko 800 radnika. Kompanijom i dalje upravlja porodica, (njena treća generacija) Andrea, Ricardo i Anna Illy.

Illy kafa je nastala mješavinom arabica zrna iz više izvora( mješavina 9 vrsta najboljeg zrna). Prži se u tri oblika: normal, tamno pržena i bez kofeina. Podloga se pakuje u čelične kanistre pod pritiskom sa inertnim gasom koji ne dopušta gubitak kvaliteta  ukusa  i mirisa, bez obzira na vremenske uslove. Kafa je hlađena nakon pečenja hladnim vazduhom, pa ne oksidira i ne gubi na masi.  Koristeći 6,8 grama kafe za jedan espreso uvijek dobijete izvrstan espreso..
Popijte  Illy espresso i uživajte!

Restorani u Trstu

Teško je definisati Tršćansku kuhinju jer ona obuhvata tipična italijanska jela, kao i jela koja dijele sa svojim susjedima Austrijom, Slovenijom i Hrvatskom, iz  istorijskih veza sa Austrougarskim carstvom.
Možda jedno od najpoznatijih Tršćanskih jela je Jota . Pravi se od paprike, pasulja, krompira i prženog kiselog kupusa, sitno nasjeckanog (crauti), sa dodatkom maslinovog ulja i češnjaka. Jelo se topi u ustima i pretstavlja spoj mediteranske kulture Italije i srednje-europske kulture bivše Austrougarske imperije.

Ovo naravno ne znači da u Trstu nema prave pizze i paste koje su karakteristične za ovu predivnu zemlju.Grad je fantastičan za posjetu, i ovdje ćete jesti odlično. Tipičnu mediteransku kuhinju možete probati u restoranu Trattoria Caprese koji se nalazi na Piazza della Borsa 15.

trattoria caprese pizzaTrattoria caprese Trieste

 

I naravno ako ste ljubitelji sladoleda i put Vas odvede u Trst, obavezno posjetite gelateriju Zampolli. Ova istorijska slastičarna, koju Tršćani obožavaju, se nalazi u ulici Via Carlo Ghega broj 10, nedaleko od željezničke stanice, a u blizini zone za shoping. Ukoliko se odlučite za posjetu Zampolli-ju, naoružajte se strpljenjem jer unutra vlada poprilična gužva. Naš savjet je da se opustite i probate sladoled koji je New York Times proglasio najboljim na svijetu.

Vjetar u Trstu

U Trstu se naviknite se na vjetar, pogotovo ako dođete u periodu kada su najjači. Krovovi u Trstu često imaju kamenje po krovovima koje spriječava vjetar da odnese crijep.

Vjetar u Trstu je idealan za mnogobrojne jedriličarske regate koje se održavaju u Tršćanskom zaliv. Svakako najpoznatija ovakva manifestacija je Barcolana.
To  je internacionalna  jedrliličarska regata koja se odvija svake godine u Tršćanskom zalivu. Osnovana je 1969.godine inicijativom jaht kluba Società Velica di Barcola e Grignano, i danas pretstavlja najveću mediternasku regatu sa oko 25 000 učesnika. Glavni dogadjaj  se održava druge subote u oktobru mjesecu, a taj datum je izabran jer su ostali klubovi svoja tamičenja organizovali ranije u toku godine. Ljubitelji mora i jedrenja, kao i svi oni koji ne propuštaju ovakav spektakl  obavezno posjetite Trst u preriodu od 29.septembra do 08.oktobra 2017.godine

Obavezno otidjite na aperitivo

Koktel za večeru je odličan izbor, jer kulturu Trsta možemo okarakterisati kao kulturu aperitiva. Jače piće u poslijepodnevnim časovima uz neki zalogaj je uvijek odlična odluka kada ste u ovom gradu. Aperol Spritz je uobičajeno piće, ali nemojte propustiti da probate i Hugo koktel.

Periferija Trsta

Izađite iz centra i posjetite periferiju. Trst je prilično veliki grad i odličan za obilazak pješke, ali za neke udaljenije dijelove koristite autobus i nemojte propustiti priliku da ih vidite. Na sjeveru, grad Duino, udaljen 20-ak minuta od Centralne stanice u Trstu, ima predivne kamene plaže. Osim toga, selo Aquileia, koje je danas pod zaštitom UNESCO-a, bilo je jedan od najvećih gradova u antičkom Rimu, a u njemu možete posjetiti baziliku iz V vijeka, kao i gotičku katedralu iz X.

Muzeji

Pored brojnih muzeja, Trst ima dvoraca na pretek, takvih da oduzimaju dah. Sjeverno od Trsta nalazi se Miramare dvorac, a još dalje nalazi se Duino dvorac koji je nešto manje posjećen, ali jednako predivan.
Pratite rasporede za obilazak i razgledanje. Ponedjeljkom je većina muzeja zatvorena u Italiji, ali Trst ima svoj zaseban režim rada.Istražite prije odlaska bilo gdje. Saznaj više o muzejima u Trstu

miramare dvorac trst

Plaže u Trstu

Idite plivati.Ako uzmete bus broj 6 i zaputite se prema Grignano, a izađete nakon 15 minuta, naići ćete na najljepše plaže locirane između Miramare dvorca i samog centra grada Trsta.

Posebno bi izdvojili Portopiccolo beach club luksuzno ljetovalište koje se nalazi na 13 km od Trsta, u Sistiani. Karakteriše ga savršen Saint-Tropez stil, ovdje možete doživjeti VIP iskustvo, čudesni bazeni, spa centar, marina za jahte,hotel sa 5 zvjezdica , restorani, butici itd…  samo su mali dio ponude.

Pročitajte više o plažama u Trstu i okolini ovdje.

Još po neki savjet…

Sjedite u tramvaj i otiđite do Piazza Oberdan, trga koji se nalazi u blizini željezničke stanice. Zašto? Jer treba da iskusite nevjerovatan javni transport kakav ima samo u Trstu – kombinacija tramvaja i uspinjače – a koji uvezuje centralni dio Trsta sa selom Villa Opicina. Ovo prevozno sredstvo operiše od 1902, a prilikom vožnje ćete vidjeti Trst iz najljepše moguće perspektive.

Kako je Firenca grad vizuelnih umjetnika (slikara, skulptora, arhitekata itd), tako je i Trst grad književnih umjetnika. Džejms Džojs je živio u Trstu, isto kao i Sir Ričard Fransis Burton i Italo Svevo. Upoznajte se sa velikim imenima književnosti koja su obilježila ovaj grad.
I za kraj, ne propustite zalazak sunca sa Rive. Iako lijep i tokom dana, noću Trst doživi svoj puni sjaj. I zato odvojite jedno veče za boravak na otvorenom, uz aperitiv i sa dobrim pogledom. A možda naiđete i na neki rok koncert ispred Verdi teatra ili sretnete tango plesače pored obale.

Užitak zagarantovan.

You may also like

Upoznaj Trst Zanimljivosti

Ponovo otvorena kafe poslastičarna Pirona

post-image

Ponovo otvorena kafe poslastičarna Pirona, koju je osnovao Alberto Pirona davne 1900, sa prozorima u art nouveau stilu i sa originalnim elementima, bio je jedan od kafea čiji je redovan posjetilac bio i pisac James Joyce, koji je između 1910. i 1912. imao kuću u istoj ulici.

Ovo nikada nije bio jedan od tipičnih “književnih kafea”, već mjesto za slatke poslastice. I danas je Tršćanima ostao kao važno mjesto za sastanke.

Ukoliko se odlučite da ga posjetite, ne zaboravite da probate toplu čokoladu, koja nije ni blizu kombinaciji mlijeka i kakaa na koju smo uglavnom navikli, već je dovoljno bogata i gusta da se jede kašikom. Proglašena je za najbolju u čitavoj Italiji!

 

 

Read More
Upoznaj Trst

5 najpopularnijih picerija u Trstu

post-image

Otišli smo da pregledamo Tripadvisor kako bismo saznali koje su najpopularnije picerije u Trstu.

Na prvom mjestu nalazimo “Ristorante pizzeria Bianco” u Via Diaz, gdje možete probati klasičnu “napolitansku” pizzu.
Definisana od strane korisnika kao “pizza na visokom nivou”, picerija je bila cijenjena i za tijesto i za sastojke. Osoblje “brzo, ljubazno i korisno”

Na drugom mjesto je “Al Civicosei” u via del Toro. Ljubazno osoblje, dobra pizza, peć na drva, odlični sastojci.

Na trećem mjestu je “Cittavecchia’s pizza” u via dei Crociferi, Jednostavna i rustična, ” pizza bogata i ukusna” piše jedan korisnik. Odlične cijene.

Na četvrtom mjestu je nova picerija “Assaje” u Via Torino, recenzije za pizzu bez glutena su takođe pozitivne.

Konačno, na petom mjestu, “Celestino” u via Diaz: Dobra usluga, lijep ambijent kao i kvalitetni sastojci su odlike ove picerije.

(tripadvisor.com)

Read More
Upoznaj Trst

Obilazak na električnom skuteru

post-image

Istražite Trst na nov, ekološki i zabavan način!

On-wheel je nova i dinamična tršćanska kompanija koja je pokrenula novi, originalan i neobičan način za istraživanje znamenitosti Trsta.
Posetite grad samostalno na električnom skuteru, pratite postavljene rute na priloženom tabletu ili kupite karte za druge organizovane ture.
Imat ćete interaktivnu kacigu opremljenu kamerom bez obzira koju opciju odaberete!

U toku vožnje možete snimati  fotografije i  sve što vidite tokom ture i ponijeti kući lijepe uspomene sa svog odmor u Trstu.
Dnevni najam je 80 eura, a 2 sata su 35 eura.

(www.discover-trieste.com)

Read More
Upoznaj Trst

Neke zanimljive  ulice za shopping Trstu

post-image

 

Bez obzira kojim smo povodom u Trstu, sigurno ćemo poželjeti da prilikom povratka kući kupimo još neku sitnicu. Za one koji kupuju šetajući-  nema problema:to je zaista grad sa mnogo pješačkih zona u kojima ćete obavezno naići na  neke interesantne prodavnice.

Za vrijeme ljetnih vrućina prijatno je šetati kroz Viale XX Settembre-aleju sa visokim drvoredima  u kojoj pored zanimljivih kafića, slastičarni I restorana  imate I prodavnice obuće, sportske opreme, nakita , odjeće, a  u posljednje vrijeme I nekoliko centara za masažu I relaksaciju. Tu su  prodavnice prirodnih ljekovitih sredstava koje nude različite čajeve,kreme I kozmetiku.

Od Via delle Torri, do kanala Ponterosso i Via San Nicolò naći ćete  istorijsku  Saba, u vlasništvu poznatog pjesnika i pisca u Trstu. Tu su  I prodavnice  u kojima sa brendiranom robom: Barberi, Dolce  Gabana, Gucchi I slično. Poslije šopinga prijatno je odahnutii u istorijskom kafiću Stella Polare…

Read More
Upoznaj Trst

Buon appetito Trieste

post-image

Trst je grad u kojem se susreću različiti uticaji, mjesto čija se istorija može “pročitati” degustacijom tradicionalnih jela.

Od 18. vijeka različiti narodi i kulture su migrirali  u grad, što je rezultiralo jedinstvenom mješavinom ukusa koji lijepo kombinuju mediteransku i srednjoevropsku kuhinju.

Postojeće tradicije  Frijulije i Slovenije, mješale su se i spajale s onima koje su donijeli Austrijanci, Slovaci, Mađari, Bohemijci i Jevreji Aškenazi, a tradicije Bliskog istoka, Slavonije, Srbije i Male Azije  uticale su na istarska, dalmatinska, grčka i Sefardska jela. Nakon što je region aneksiran Italiji, 1918. godine, počinju da  preovladavaju  izvanredni mediteranski ukusi i tradicije kao što su tjestenine i pice.

Trattoria da Giovanni

Duh i tradicija Trsta se sastaju u atmosferi jednog od najstarijih restorana u gradu. Osnovana 1961. godine, Trattoria da Giovanni bilježi 56 godina kulinarske istorije sa tipičnim receptima i autentičnom kuhinjom iz prošlosti.

Prijateljska atmosfera je on što  je izdvaja, i zbog čega je ovo mjesto susreta…

Read More
Upoznaj Trst

Vožnja za pamćenje

post-image

Samo par minuta šetnje od Željezničke ili Autobusne stanice dijeli vas od njegove početne stanice na Piazzi Oberdan. Teško ga je promašiti jer jedini par šina upravo tamo završava debelim, betonskim rubom na koji se nastavlja staza kojom bezbrižno koračaju Tršćani i turisti. Neobičnog li okretišta, zar ne?

El tram de Opčina, na tršćanskom; Opčinski tramvaj, na slovenskom, nije samo obično gradsko prevozno sredstvo niti klasična turistička atrakcija. Za Tršćane, linija 2 je institucija. Za nas, to je jedini „živući“ tramvaj-žičara u čitavoj Europi. Iz tog razloga, vrijedi ga tamo pričekati 20 minuta nakon kojih polazi, a u međuvremenu, možemo skočiti do „multipraktik trafike“ sa svoje desne strane pored koje se nalazi i red vožnje, te tamo isprobati tršćansko ispijanje kave, svedeno na šank i tri gutljaja, te kupiti prevoznu kartu od euro i 25 centi. Jedna od malobrojnih turističkih atrakcija koja toliko malo košta, a toliko mnogo daje.

Svaki put…

Read More